Veikleikar í íslenskum tölvukerfum uppgötvast oftast ekki fyrr en alvarlegir gagnalekar hafa átt sér stað. Hingað til hefur það verið of kostnaðarsamt fyrir fyrirtæki og stofnanir að fá siðprúða hakkara til að finna slíka veikleika, auk þess sem mestum fjármunum hefur verið varið í viðbrögð við slíkum atvikum, sem og yfirborðskennd skönnunartól sem gera lítið annað en að veita falska öryggistilfinningu.
Á vefgátt Hack Iceland fá sjálfstæðir hakkarar og netöryggissérfræðingar tækifæri til að tilkynna veikleika í íslenskum kerfum á ábyrgan og öruggan hátt, og fá verðlaun fyrir hvern staðfestan veikleika.
Það er ekki nóg að verða betri í finna veikleika til að auka öryggi Íslands - við viljum einnig að forritararnir sjálfir geti fundið veikleika áður er viðkvæm kerfi fara í loftið. Þess vegna leggur Hack Iceland mikla áherslu að búa til þjálfunarefni úr raunverulegum veikleikum sem tilkynntir eru til að þjálfa næstu kynslóð forritara, en einnig til þess að fræða stjórnendur og almenning um hvaða hættur felast í óábyrgri hugbúnaðarþróun.
Verðlaunakerfi Hack Iceland tekur mið af alvarleika þeirra veikleika sem fundnir eru, í hversu mörgum kerfum þeir finnast og hvort hægt er að komast í viðkvæm persónugögn. Þátttakendur fá einnig opinbera viðurkenningu á vefgátt Hack Iceland og geta fylgst með stöðu tilkynntra veikleika.
Þar til Hack Iceland kerfið er komið í loftið er hægt að senda okkur nafnlausar ábendingar um veikleika sem við komum áleiðis til viðeigandi fyrirtækis eða stofnunar. Einfaldasta leiðin til þess er að hlaða upp skrám sem staðfesta veikleikann á Syndis Share og senda okkur póst á tilkynning@hackiceland.is.
Sendu okkur línu á hi@hackiceland.is